ACTIVIDADES DO SEMESTRE
(*) Como consecuencia das obrigas educativas dos nosos xuvenís (aulas, exames, etc.), vémonos na necesidade de planificar as actividades deste grupo con pouco tempo de antelación polo que é posible que moitas das saídas non aparezan publicadas nesta web. Para ter a información actualizada, poderedes consultar o noso blog onde teredes cumprida conta de todas as actividades previstas por estas mozas e mozos.
RUTA POLO RIO DEVA
Data: 13 de xuño
Lugar: A Cañiza
ACTIVIDADE INFANTIL – XUVENIL
Data: 27 de xuño
Lugar: Península do Grove
CAMPAMENTO SAN BERNARDO
Data: 18-19 setembro
Lugar: Monfero (Pontedeume)
I COPA GALEGA ESCALADA BASE DIFICULTADE
Data: 25 setembro
Lugar: Os Remedios (Ourense)
II COPA GALEGA ESCALADA BASE DIFICULTADE
Data: 16 outubro
Lugar: As Travesas (Vigo)
Desde hai uns anos un grupo de rapaces e rapazas, procedentes a maior parte deles da Sección Infantil, de arredor dos quince anos, veñen realizando actividades moi diversas pensadas exclusivamente para eles, coas que se están a introducir en novas disciplinas deportivas. A elas xa acoden sós, coa autorización asinada dos seus responsables. Estas saídas adoitan ser anunciadas na circular pero, en ocasións e debido ás peculiaridades do grupo (os calendarios escolares e outras cuestións) poden ser convocados ás mesmas tamén a través doutros medios. O máis frecuente é que acudan con un ou dous monitores do club ou mesmo co apoio doutros técnicos, segundo a actividade a realizar.
Con frecuencia o club promove, e subvenciona, cursos de escalada, montaña invernal, espeleoloxía e outros, pensados especificamente para este grupo. Loxicamente é obrigatorio estar federado, se ben, a licenza deportiva tamén conta cunha subvención por parte do club de arredor do 50%.
Pouco a pouco o grupo xuvenil vaise introducindo tamén noutras prácticas deportivas como a espeleoloxía, as travesías de montaña con vivac, campamentos, montaña invernal ou piragua, adaptadas sempre ás necesidades propias desta franxa de idade e levándoas a cabo de forma autónoma. Cando as circunstancias o permiten, o grupo realiza estas prácticas fóra de Galicia, visitando e realizando ascensións en Picos de Europa e Pireneos.