Actividades Sociais-Culturais

PREMIOS “LOIS PEÑA NOVO”

Na tarde do xoves 25, no patio de armas do Castelo de Soutomaior, entregáronse os premios Lois Peña Novo”. Un grupo de socios do Club tivemos a fortuna e o pracer de asistir a este acto.
Este premio anual atópase na súa 21 edición e pretende recoñecer o traballo das persoas que en distintos eidos da vida pública, ensino, ciencia, historia, xudicatura, etc, se expresan na nosa lingua coa finalidade de estimular a conciencia da galeguidade
na cidadanía e nos representantes institucionais de forma tal que poidan provocar a revolución mental que Galicia necesita.
Tres foron os premiados. Entre eles RicardoGurriarán, colaborador deste blog e como todos coñecedes, fillo do noso fundador GonzaloGurriarán.

Os premiados: Dª Consuelo Castro Rey, Dº Ángel Carracedo Álvarez y
Dº Ricardo Gurriarán Rodríguez
Dº Ricardo Gurriarán

Tras recoller o premio e xa nos agradecementos, Ricardo tivo un inesperado e agarimoso recordo para o Club Peña Trevinca. Ante o numeroso público asistente expresou de forma inequívocao cariño polo noso Club e as marabillosas lembranzas que a súa fundación representan para él.
A orixe de Trevinca ocupa unha boa parte do libro que Ricardo publicou no ano 2005 adicado á memoria do seu pai e co que obtivo o premio “Pedro Tertuliano”
.
Sen dúbida foi unha moi grata xornada para todos nós.