Agradecementos xornada de Especies Exóticas Invasoras

Como xa sabedes, a fin de semana pasada celebramos un par de xornadas dedicado ás Especies Exóticas Invasoras.

O venres, José María Sánchez Fernández, investigador do departamento de Bioloxía Vexetal e Ciencias do solo da UVIGO, viu o local social do club a falarnos da problemática que xera a introdución destas novas especies cando proliferan e desprazan a outras autóctonas, tanto dende o punto de vista ecolóxico como económico.

Con él tamén tivemos tempo para falar brevemente da lexislación que existe para controlar a súa dispersión ou erradicación e da importante acción política que se debe desenvolver para que isto se dirixa cara un bó porto.

A verdade que é un pracer contar con persoas que aman o que fan e que se ofrecen a transmitir a súa sabedoría aos demais, sen ningún interese a maiores que o de compartir coñecemento e xerar pensamento crítico. Moitísimas grazas José María!

Pois xa postos na temática, o sábado ben cedo nos diriximos a Serra do Galiñeiro onde quedamos con Xosé Taboada, coordinador da Comunidade de Montes de Vincios (@montesdevincios), quen nos explicou todo o traballo que veñen desenvolvendo na serra, dende retirada de especies do xénero Eucalyptus e acacias negras (Acacia melanoxylon), ata a xestión de novas plantacións e a importante visibilización do valor económico dos espazos naturais.

Con él nos diriximos cara unha zoa, preto do merendoiro do Galiñeiro, onde xa se talaran eucaliptos tempo atrás. A nosa labor era cortar os novos brotes que proliferaran en poucos meses, porque como nos decía Xosé, o eucalipto remata morrendo por “cansancio”, ata 4 veces pode rebrotar con forza! Espero que desta volta se cansara él antes ca nós.

Ademais, Xosé nos falou dun proxecto moi divertido que se traen entre máns. Poderíase dicir que é unha nova modalidade “deportiva-medioambiental” que anima a persoas de tódalas idades e condicións a tomar cartas no asunto e participar na retirada e agotamento destes rebrotes de prantas. Chámase Rockking!! E xa teñen unha propia páxina en Facebook (#Comunidaderokking) onde podedes ver os avances que van facendo todos os voluntarios. Vos deixo aquí o vídeo tutorial de qué é o que hai que facer para todos os queremos axudar a manter os nosos montes en bo estado.

E xa que estabamos no Gali, pois por qué non? Subimos un pouquiño máis e pasamos unha xornada de escalada moi divertiva e apta para todos os niveis! Grazas a Xosé, vogal de escalada do club, por vir, traer material e abrirnos todas as vías! 😊

Espero que as dúas xornadas foran de desfrute para todos vós e que sigades participando nestas iniciativas. Con colaboración todo se consegue! Vos deixo aquí o enlace coas fotos da actividade.

Unha aperta e vémonos nos montes e no mar!

Cristina Fernández, vogal de Medioambiente.

LEMBRANDO O VAL DE TENA

 

Xa retomamos de novo as nosas actividades cara a estes últimos meses do ano , ás portas dun sempre fermoso outono. Pero non queremos esquecernos  xa dos días extraordinarios que pasamos o pasado agosto no Val de Tena.

Lamentamos moitísimo non poder celebrar a tradicional “Festa do Reencontro” no local social onde faciamos unha lembranza máis auténtica  e “presencial”. Agora, de momento, non é posible xuntarnos tantos e para poder lembrarnos vos ofrecemos esta escolma de fotografías para percorrer por uns intres, nas imaxes,  este fermoso val pirenaico e as nosas actividades nel.

Agradecemos as aportacións fotográficas de Bárbara, Manuel Glz. Cristina R. Puebla, Lois e Garrido que nos facilitaron as súas fotografías.

Premendo AQUÍ veredes boa parte da nosa aventura pirenaica neste 2021.

POLAS RIBEIRAS DO TEA

 
Ameazaba choiva pero a sorte acompañounos e gozamos do roteiro preparado polo noso socio Manuel Ageitos e levada polo noso guía de sendeirismo, J. María Grova.
O gran protagonista foi o río Tea.
Comezamos na Rectoral de Fofe para chegar á praia de Maceira polo carreiro de «Os Carranos».
 
A continuación a nosa ruta transcorreu gran parte por sendeiro de pescadores ata a praia fluvial de
«Foxaco» en Mondariz.
 Máis fotos da ruta aquí

A SENDA DAS ESTRELAS

 
Espectacular roteiro preparado polo noso guía Tomás. O sábado saída desde a presa de Ézaro para subir os picos do Castelo de Peñafiel e A Moa no monte Pindo para terminar no pobo de Caldebarcos. 
O domingo con bo tempo e inicio en Caldebarcos o percorrido transcurrio a maior parte pegado ao mar.  
Camiñamos por toda a praia de Carnota con baño incluído e finalizar no pobo de Lira.
Máis fotos da ruta aquí

Campioa Galega de Dificultade

Araceli Vale fixose có primeiro posto no Campionato Galego de Dificultade de Escalada en categoría Absoluta celebrado en Lugo este sábado. 

¡Queremos desexarte unha enorme noraboa!

A nosa socia con tan só 16 anos, desbancou a todos no campionato de categoría Absoluta.

Tamén queremos agradecer a todos os participantes por manter as medidas de seguridade e hixiene necesarias polo protocolo COVID-19. O espectáculo fíxose sen público e con todas as medidas precisas para que a seguridade fose o primeiro. 

¡Noraboa tamén a todos os competidores!

FOTOS DA MULTI-AVENTURA NO ALTO ESLA

Cando se xuntan o bo tempo, en medio dunha paisaxe outonal excepcional, o bo ánimo e as gañas de disfrutar as ascensións tocando a montaña cas nosas mas, en tensión, temos todas as premisas para unha excelente fin de semana. E así foi, vimos de disfrutar da montaña como había tempo que non acontecía e podemos dicir que casi nos «desquitamos» de non ter ido a Pirineos pois había unha «necesidade» xa de facer algo así.

Agradecemos, aínda que esté mal en dicilo, o excelente traballo unha vez máis dos vogais responsables da actividade; Tomás, J. Antonio e Grova e tamén a colaboración de todos nas axudas nos pasos complicados, que foron moitos, cunha mención especial a Rafa e Tito. Fixemos montaña en equipo.

Grazas a todos tamén por respectar as condicións especiais obrigadas polo covid 19.

PROXECCIÓN DO DOCUMENTAL: «O MARABILLOSO LABOR DAS PROTECTORAS DE ANIMAIS»

Venres 14 de febreiro ás 20,30 h
Este documental de Martín García, socio e colaborador habitual do noso club, ten unha duración de 46 minutos, nel están incluídas imaxes da protectora de cans e gatos de Gondomar, chamada Bai. senpulgas, así como entrevistas a Laura  Boo García, a súa vicepresidenta; a Ana Groba  Cossio, a súa tesoureira, e á voluntaria  Aránzazu Freiría Lorenzo.

Tamén conta con imaxes da exposición de fotos de Martín “A cadeliña Nani, de abandonada a adoptada. Ademais inclúese unha presentación de datos das protectoras en España, así como bonitas escenas gravadas coa técnica do  timelapse, que se  intercalan ao longo do documental, facéndoois ameno e relaxado.

¡¡Ven acompañar a Martín e apoiar esta iniciativa a favor dos dereitos dos animais!!