Actividades Espeleoloxía

Está aberta a inscripción de sendeirismo e espeleoloxia en Enciña da Lastra do 8 ao 9 de outubro

Outra fin de semana completísima, desta volta en Mondoñedo,   Celebrando a  IV SEMANA DA ESPELEOLOXÍA.

Apoiados para elo polo Club Cetra, realizamos o sábado unha actividade que nos levou a visitar a Mina Consuelo, en Vegadeo, cun interesante percorrido posterior polo antigo trazado do ferrocarril. Mentres a sección de espéleo  desprazouse á Cova do Rei Cintolo con Suso, Alfredo  e Marcos Vaqueiro co seu equipo para percorrela en boa parte tras cinco horas alí metidos.

Tras pasar polo seminario, onde fixemos pernocta, nos desprazamos ata o auditorio municipal para disfrutar dunha interesantísima proxección sobre as covas e ríos subterráneos do Espeleoparque da Mariña.

Para o domingo quedou un novo percorrido sendeirista pola Ruta da Auga e a visita máis curta e doada  á Cova do Rei Cintolo,  en dous grupos de dez persoas, mentres os demais seguían camiñando.

Grazas a club CETRA e a Suso Expósito,  unha vez máis, e a todos vos con que disfrutamos unha boa fin de semana que, grazas aos que nos enviástedes fotos, podemos lembrar AQUI.

Compre aclarar que, dentro da celebración da IV Semana da Espeleoloxía en Mondoñedo, tanto o sábado 13 como o domingo 14  de novembro tamén teremos actividade sendeirista como en calquera outra actividade do club.

Así, o sábado, dentro da ruta que faremos en A Pontenova, vistaremos de xeito gratuíto a  mina de Consuelo, dunhas dúas horas de duración, para a continuación continuar camiñando. Logo nos desprazaremos a Mondoñedo para participar, tras unha pequena visita turística, nun acto no auditorio municipal sobre covas e ríos subterráneos do Espeleoparque da Mariña.

Para o Domingo, de xeito voluntario e con prazas limitadas, poderemos visitar A Cova do Rei Cintolo e continuar cunha nova marcha sendeirista na zona.

Para a  actividade puramente de espéleo xa están cubertas as prazas e solicitado o permiso. Para os máis pequenos teremos unhas rutas doadas para eles, ademais da visita á mina que tamén poderán facer e disfrutar.

Estaremos aloxados no Seminario de Santa Catalina, excelente lugar en Mondoñedo que paga a pena coñecer.

A lista vai moi ben pero necesitamos comunicar canto antes a cifra de participantes. Si vos animades a acompañarnos, por favor, chamar canto antes para apuntarvos.