30 May
Actividades Escalada

UNHA TREVINCA COA SELECCIÓN ESPAÑOLA E RESULTADOS DAS COMPETICIÓNS NACIONAIS

Como todos sabedes, o club ten a tres novos deportistas competindo a nivel nacional nas distintas modalidades de escalada, Araceli Vale, Natalia Vale e Santiago Franco. Estes deportistas seguen acumulando éxitos na súa carreira deportiva.

En abril, Araceli foi nomeada mellor deportista promesa na Gala do Deporte do Concello de Vigo pola Federación Galega de Montañismo e en maio tivo a honra de participar xunto coa selección española de escalada na II Proba da Copa de Europa de velocidade que se celebrou do 12 ao 14 de maio en Fuente Dé (val do Liébana, Cantabria), na que a selección española conseguiu 4 medallas na modalidade de velocidade e 1 medalla en bloque, finais retransmitidas en directo por Teledeporte. O tempo non acompañou aos escaladores, pero aínda baixo a choiva nunha contorna inigualable Araceli conseguiu facer a súa mellor marca persoal ocupando finalmente o posto 14. Desta forma converteuse na primeira muller da Federación Galega de Montañismo que representa a España nunha proba internacional oficial da IFSC (International Federation of Sport Climbing).

Natalia e Santiago, pola súa banda, participaron na II proba da Copa de España de bloque que se celebrou no bosque de aceiro de Cuenca o 20 e 21 de maio. Natalia conseguiu pasar ás finais na categoría sub 18, terminando no 7º posto e Santiago, que compite xa na categoría absoluta ao eliminarse a sub-20, conseguiu un loitado posto 18, mellorando o posto 27 acadado na primeira proba. Ambos deportistas foron os galegos mellor clasificados nas súas respectivas categorías. E como isto non para, xa están a preparar a seguinte proba da Copa de España que se celebrará do 2 ao 4 de xuño en Madrid.

 

Desde o club desexamos que o seu exemplo chegue ao grupo de infantís e xuvenís que adestran semanalmente nas instalacións do club e do CUVI e pronto teñamos unha substitución para eles.

Moitas felicidades aos tres e moita sorte nas próximas competicións.

Deixamos a continuación os enlaces ás noticias e algunhas fotos e vídeos das distintas probas.

https://www.farodevigo.es/deportes/2023/04/20/vigo-honra-deportistas-86233602.html

https://www.farodevigo.es/deportes/2023/04/11/vigo-presume-futuro-85849175.html

https://fedme.es/oro-en-casa-carla-martinez-se-impone-en-el-muro-de-fuente-de/

 

Máis fotos aquí

02 Sep
Actividades Escalada

XORNADAS DE ESCALADA EN ROCÓDROMO UVIGO

(Descarga o cartel premendo aquí)

 

Xornadas dirixidas a socios do Club Peña Trevinca (FEDERADOS) e ao persoal da Comunidade Universitaria da UVigo indistintamente.

Prazo de solicitude:  día 8, desde ás 8:00h, ata o 15 de setembro ás 23:59h.

As prazas se confirmarán por correo-e aos matriculados a partir do venres día 23.

 

GRUPOS

 

DURACIÓN:

Outubro a maio. Segundo o Calendario Escolar da X. de Galicia

1º trimestre: Outubro, novembro e decembro.

2º trimestre: Xaneiro, febreiro e marzo.

3º trimestre: Abril e maio.

PREZOS:

Grupos G3, G10 e G11: Cobro mensual anticipado de 22€/mes.

Resto de grupos: Cobro mensual anticipado de 30€/mes.

CRITERIOS DE SELECCIÓN GRUPOS DE INICIACIÓN NI:

Ter participado no ano anterior.

Xente sen experiencia ou con pouca soltura á hora de realizar as manobras básicas de escalada e seguridade.

Criterio de «homoxeneidade do grupo» segundo o monitor responsable.

Orde de inscrición.

G12: prioridade persoal UVIGO.

CRITERIOS DE SELECCIÓN GRUPOS DE INICIACIÓN NII:

Ter participado no ano anterior.

Procedentes do NI e tamén para a xente que tendo un manexo básico da progresión e a seguridade en escalada, queren mellorar.

Criterio de «homoxeneidade do grupo» segundo o monitor responsable.

Orde de inscrición.

 

 

CRITERIOS DE SELECCIÓN GRUPOS DE PERFECCIONAMENTO:

Ter participado no ano anterior.

Persoas que xa posúen a habilidade e destreza suficiente para realizar todas as manobras con seguridade, e teñen un nivel superior ao 6a a vista. (Posible proba de acceso).

Criterio de «homoxeneidade do grupo» segundo o monitor responsable.

Ter participado xa en actividades de escalada co club.

Orde de inscrición.

 

Aclaración de dúbidas chamando ao 660 69 35 35

Para a inscrición preme aquí dentro do prazo de solicitude

27 Jun
Actividades Escalada, Fotos

Resumo competicións escalada xuño

Este mes foi un mes moi intenso a nivel de competicións de escalada. Por unha parte os máis cativos asistiron a II Proba da Copa Galega de Escalada en Idade Escolar o día 11 de xuño en Lugo. Os nosos representantes Lola Ferreras e Sebastián Franco pasaron os dous ás finais e tiveron unha moi boa actuación co obxectivo de seguir aprendendo, gozando e mellorando para poder acadar algún podio nas seguintes probas. Estes pequenos son unhas grandes promesas. 

Por outra banda, os máis maiores Araceli Vale, Santiago Franco e Natalia Vale participaron na Copa de España de bloque, velocidade e dificultade. Na I proba de bloque celebrada o 4 de xuño na Praza de España de Madrid, cunha terrible calor e televisada por primeira vez en RTVE, Santiago tivo unha destacada actuación e estivo a piques de pasar ás finais. Na proba de velocidade, Araceli entrou na final en categoría absoluta enfrontándose á plusmarquista nacional María Laborda, acadando ao final un merecido 4º posto. Santiago, en categoría sub-18, quedou 3º e Natalia, tamén en sub-18, gañou a proba. A FEDME fixo entrega dos premios, pero os resultados non puideron validarse como oficiais debido a un erro no montaxe do muro de velocidade.  

O día 11 celebrouse a I Proba da Copa de España de escalada de dificultade en Torrejón de Ardoz. Os 3 tiveron unha destacada actuación pasando Araceli e Natalia ás finais e acadando Araceli un 3º posto en categoría sub-20 e Natalia 6ª. Santiago fixo unha primeira vía perfecta pero un resbalón na segunda vía deixouno fóra da final. 

Xa para rematar este intenso mes, o día 17 achegámonos a Oviedo para participar na II proba da Copa de España de Bloque de Velocidade. En bloque Natalia conseguiu acceder ás finais acadando un 5º posto. E en velocidade, nesta ocasión xa con resultados oficiais, Natalia e Santiago subiron ao podio como 2º e 3º respectivamente e Araceli acadou o 5º posto en categoría absoluta. 

En resumo, un mes de xuño cheo de éxitos, que se completou coa boa nova de que podemos presumir xa de contar con dous Deportistas galegos de Alto Nivel, Araceli e Santiago, e unha deportista co recoñecemento de Rendemento deportivo de Base porque Natalia é menor de 16 anos. Un logro debido ao esforzo dos propios deportistas e os seu adestrador, pero tamén ao gran apoio que senten de todos os socios e socias e que os empurran a seguir crecendo no mundo da escalada. Parabéns. 

Deixamos algunhas fotos destas competicións no seguinte enlace

15 May
Actividades Escalada

Resumen 1ª proba da Copa Galega de escalada en Idade Escolar e Campionato Galego de Escalada de Dificultade

 

 

O domingo 8 de maio puidemos gozar dunha nova xornada de escalada para todas as idades no Rocódromo de Lugo. As probas comenzaron ás 9 da mañán nas distintas categorías e modalidades. Na 1ª proba da Copa Galega en Idade escolar participaron os nosos socios máis xóvenes Lola Ferreras, Martina Alonso, Elba Fernández, Emma Díaz, Tomás Díaz, Sebastián Franco e Nico de la Torre. Todos tiveron unha magnífica actuación, máis tendo en conta que moitos deles acaban de comenzar a escalar neste ano. Estas probas sérvenlles de adestramento para progresar e mellorar a súa técnica baixo a atenta mirada dunha das súas monitoras, Araceli Vale e, por suposto, compartir momentos fantásticos, tanto escalando como xogando ao fútbol, con escaladores vidos de toda Galicia e Portugal. Destacamos a actuación de Sebastián que quedou ás portas do pase á final e de Lola que conseguíu o pase á final e loitou por acadar as zonas e os tops ata o último momento deixando literalmente a pel en cada presa.

En canto ao Campionato Galego de Dificultade, soamente estaba aberto para as categorías sub18 e absoluta. Aquí podemos dicir que o noso club tivo un éxito absoluto conseguindo o primeiro posto en categoría masculina e feminina en sub18 acadado por Santiago Franco e Natalia Vale respectivamente, e o primeiro posto en categoría absoluta feminina acadado novamente por Araceli Vale. As dúas irmás revalidan o título de campioas galegas. Foi un campionato moi disputado no que, despois dunha final de infarto, tiveron que desempatar recorrendo á fase de clasicación. Estes tres rapaces deixan claro en cada proba que son actualmente os deportistas de FGM máis fortes nas súas respectivas categorías.

Felicidades aos tres polos seus éxitos que serven de exemplo e marcan o camiño aos máis pequenos.

 

Podedes gozar das fotos e vídeos do evento no seguinte enlace.

27 Abr
Actividades Escalada, Fotos

RESUMO I PROBA DA COPA GALEGA DE BLOQUE

O domingo 24 de abril celebrouse a I Proba da Copa Galega de Bloque nas instalacións de Hangar4 na Coruña na que puidemos disfrutar, coma sempre, dun ambiente espectacular. Nesta ocasión, participaron 7 deportistas do noso club, pouco a pouco imos incrementando o número de escaladores e escaladoras que se animan a gozar deste tipo de probas.

Na categoría sub-12 participaron os irmáns Tomás e Emma Díaz e Nico de la Torre que gozaron moitísimo da competición sempre apoiados, guiados e animados polos nosos deportistas máis maiores. Tamén se achegou á Coruña Martina Alonso, pero lamentablemente sufríu unha indisposición antes de comezar a proba e non puido participar, esperamos vela na próxima. Nesta mesma categoría temos que destacar a medalla de prata acadada por Sebastián Franco na súa primeira participación nunha competición despois de terse clasificado en primeira posición para a final. Foi moi emocionante ver como resolvía os pasos coa súa pequena altura, este rapaz promete darnos moitísimas alegrías.

Na categoría sub-18, despois dunha gran rolda clasificatoria, Santiago Franco proclamouse campión desta proba deixando a todo o público coa boca aberta vendo como acadaba os tops máis difíciles e vibrando con el ata o final. Este rapaz xa gañou o ano pasado todas as probas galegas nesta categoría e acadou a segunda posición no Campionato de España de escalada de velocidade. Este ano quedou en cuarta posición no Campionato madrileño de escalada de bloque celebrado no mes de marzo.

Por último, na categoría absoluta feminina, as dúas irmás Araceli e Natalia Vale competiron por primeira vez xuntas. Deron un gran exemplo de unidade, apoio fraterno e superación, acadando Araceli o primeiro posto e Natalia o segundo despois de facerse con tops aos que ningunha participante máis chegou deixando claro que estas irmás pisan forte na escalada feminina galega, mérito polo que Araceli ven de ser recoñecida pola Xunta de Galicia como deportista de alto nivel e Natalia de rendemento deportivo de base.

Moitísimas felicidades a todos os participantes e, en especial, a estes catro deportistas que acadaron o podios nas súas categorías, os irmáns Franco e as irmás Vale. Estes rapaces van dar moito de que falar ao longo deste ano. É un orgullo para o noso club contar con deportistas de tan alto nivel representándonos nas diferentes competicións autonómicas e nacionais.

Deixámosvos unha ampla selección de fotos da proba e dos podios.

Aquí tedes o enlace á clasificación final da proba

Máis fotos aquí

23 Dic
Actividades Escalada

COPA GALEGA DE BLOQUE

Un remate de tempada espectacular para as irmás Araceli e Natalia Vale. Esta fin de semana celebrouse a 2ª proba da copa galega de bloque e o Campionato galego de dificultade en Lugo. Moi bo ambiente entre os participantes, aínda que foron dous días moi fríos nas instalacións de Rocolugo. 
Araceli competía en categoría absoluta e conseguíu o 1º posto do podium  galego en ambas as dúas probas proclamándose Campioa galega de dificultade por tercer ano consecutivo e campioa da Copa galega de bloque. 
Natalia, en categoría sub 16, fixo unha clasificatoria espectacular o sábado pola mañán, sendo a única da súa categoría que completou todos os pasos. Pero na final, un pequeno erro relegouna ao terceiro posto quedando finalmente en 2ª posición do podium galego da Copa. O domingo, con forzas renovadas, foi a única participante da categoría feminina que completou as tres vías de dificultade, acadando o primeiro posto do podium convertíndose en campioa galega de dificultade en categoría cadete. 
Dende o Club Peña Trevinca facémoslles chegar a nosa máis sincera noraboa e desexámoslles os mesmos éxitos para a próxima tempada.
Deixámosvos unhas fotos e vídeos das probas para que podades revivir a emoción dos campionatos.»
05 Nov
Actividades Escalada

ESCALADA INFANTIL NO BÚLDER DO CLUB

Un ano máis imos comezar estes cursiños de escalada para os máis novos no búlder do Local Social. As idades serán de 6 a 10 anos e terán lugar os MARTES de 18  a 19,30 h e os SÁBADOS de 11,30 a 13 h.

A nosa intención é que duren de novembro ata abril de 2022 e nos últimos meses, cando sexa posible, achegalos tamén ao rocódromo da UVigo ou ao Galiñeiro  a que practiquen algo de corda.

O grupo dos sábados comezará as clases o 6 de novembro e o dos martes farao o día 9. Unha vez obteñan praza será preciso tramitar a Licenza Federativa, no caso de que non a teñan.

Serán grupos de seis nenos/as así que estade moi atentos á  inscrición que comeza o mércores día 3, tendo que chamar ao club, 986 42 05 51,  a partir das 19,30 h.

22 Oct
Actividades Escalada

Novos éxitos de escalada

As nosas socias Araceli Vale, en categoría absoluta, e Natalia Vale, en categoría sub-16, acábanse de proclamar Campioas galegas de escalada de bloque tras a celebración do Campionato Galego e a I Proba da Copa Galega de Escalada de Bloque no rocódromo Hangar4 da Coruña, o pasado sábado 16 de outubro, organizado pola Federación Galega de Montañismo.

 

Natalia participou en xullo no Campionato de España de Escalada en Idade Escolar individual e por seleccións autonómicas, celebrado en Lugo, no que acadou o 4º posto na clasificación individual e o 2º posto como selección autonómica en categoría cadete. Este campionato desenvolveuse co formato olímpico no que os deportistas tiñan que realizar as tres probas de escalada de dificultade, velocidade e bloque.

 

Tamén hai que destacar a gran participación de Natalia na Copa de España de Escalada de Dificultade. Tras a celebración das tres probas da Copa de España en Madrid, Barcelona e Zaragoza, acadou un 6º posto na clasificación xeral dun total de 30 participantes. Pódense consultar todos os resultados en http://www.fedme.es/index. php? mmod= staticContent& IDf=616& preview_ mode=1

 

Araceli Vale, pola súa banda, quedou semifinalista no evento de psicoblock RedBull PreCreepers que se celebrou na ponte de Salamanca de Ávila, no mes de xuño. Puido gozar dunha fin de semana cargada de adrenalina xunto con grandes escaladores do momento, tanto nacionais como internacionais.

 

As dúas irmás están seleccionadas para participar do 29 de outubro ao 1 de novembro no Súper Campionato de España de Bloque, Dificultade, Velocidade (Absoluto e Xuvenil) e Paraescalada que se celebrará na sala Rocópolis de Pamplona.

 

Desde o club desexámoslles moita sorte!!!

27 Sep
Actividades Escalada, Fotos, Sección de Medioambiente

Agradecementos xornada de Especies Exóticas Invasoras

Como xa sabedes, a fin de semana pasada celebramos un par de xornadas dedicado ás Especies Exóticas Invasoras.

O venres, José María Sánchez Fernández, investigador do departamento de Bioloxía Vexetal e Ciencias do solo da UVIGO, viu o local social do club a falarnos da problemática que xera a introdución destas novas especies cando proliferan e desprazan a outras autóctonas, tanto dende o punto de vista ecolóxico como económico.

Con él tamén tivemos tempo para falar brevemente da lexislación que existe para controlar a súa dispersión ou erradicación e da importante acción política que se debe desenvolver para que isto se dirixa cara un bó porto.

A verdade que é un pracer contar con persoas que aman o que fan e que se ofrecen a transmitir a súa sabedoría aos demais, sen ningún interese a maiores que o de compartir coñecemento e xerar pensamento crítico. Moitísimas grazas José María!

Pois xa postos na temática, o sábado ben cedo nos diriximos a Serra do Galiñeiro onde quedamos con Xosé Taboada, coordinador da Comunidade de Montes de Vincios (@montesdevincios), quen nos explicou todo o traballo que veñen desenvolvendo na serra, dende retirada de especies do xénero Eucalyptus e acacias negras (Acacia melanoxylon), ata a xestión de novas plantacións e a importante visibilización do valor económico dos espazos naturais.

Con él nos diriximos cara unha zoa, preto do merendoiro do Galiñeiro, onde xa se talaran eucaliptos tempo atrás. A nosa labor era cortar os novos brotes que proliferaran en poucos meses, porque como nos decía Xosé, o eucalipto remata morrendo por “cansancio”, ata 4 veces pode rebrotar con forza! Espero que desta volta se cansara él antes ca nós.

Ademais, Xosé nos falou dun proxecto moi divertido que se traen entre máns. Poderíase dicir que é unha nova modalidade “deportiva-medioambiental” que anima a persoas de tódalas idades e condicións a tomar cartas no asunto e participar na retirada e agotamento destes rebrotes de prantas. Chámase Rockking!! E xa teñen unha propia páxina en Facebook (#Comunidaderokking) onde podedes ver os avances que van facendo todos os voluntarios. Vos deixo aquí o vídeo tutorial de qué é o que hai que facer para todos os queremos axudar a manter os nosos montes en bo estado.

E xa que estabamos no Gali, pois por qué non? Subimos un pouquiño máis e pasamos unha xornada de escalada moi divertiva e apta para todos os niveis! Grazas a Xosé, vogal de escalada do club, por vir, traer material e abrirnos todas as vías! 😊

Espero que as dúas xornadas foran de desfrute para todos vós e que sigades participando nestas iniciativas. Con colaboración todo se consegue! Vos deixo aquí o enlace coas fotos da actividade.

Unha aperta e vémonos nos montes e no mar!

Cristina Fernández, vogal de Medioambiente.

12 Sep
Actividades Escalada

FELICIDADES EREA

Este sábado día 11 se celebró en Ourense la I PRUEBA DE LA COPA GALEGA DE ESCALADA BASE.

Por varias circunstancias, cambio de fecha entre otras cosas, solo participó una  socia de nuestro club.

Erea Romero García no solo pasó a la final pues también consiguió un magnífico quinto puesto.

FELICIDADES EREA por tus ganas de competir y por representarnos tan bien con tu estupenda clasificación.

 

Cargar más noticias
Cargando...