02 Dic
Actividades dos Infantís, Actividades dos Xuvenís, Fotos

Actividade Castro de Troña- Castelo de Sobroso- Alto da picaraña

O pasado domingo 20 un grupiño da sección infantil achegámonos o xacemento arqueolóxico do castro de Troña no concello de Ponteareas con fin de iniciar unha andaina que nos levaría ata o alto da Picaraña, pasando antes polo castelo de Sobroso.

No citado castro percorrimos o seu perímetro cheo das vivendas que compoñían o poboado así como as murallas que defendían o asentamento. Para quentar motores os rapaces non pararon ata localizar a famosa pedra da serpe… aquel gravado ten certo alo de misterio que algúns estudosos relacionan cun culto solar.

De alí a un pouco continuamos camiñando uns quilómetros ata chegar o castelo de Sobroso onde tiñamos reservada unha visita guiada a cal ensinounos a función do  castelo tanto dende o punto de vista histórico como da súa reconstrución. Debido a intensa néboa reinante non puidemos desfrutar das fermosas vistas dende a torre…  unha mágoa.

   

Una vez rematada a visita paramos un ratiño a xantar para a continuación visitala senda botánica que rodea o castelo.  O noso compañeiro Raimundo fixo de guía improvisado amosándonos có seu bon facer unha morea de cousas.

Uns cantos ktms. mais tarde chegamos por fin o alto da Picaraña, onde nos esperaba o bus para devolvernos a Vigo.

Fotos aquí

16 Oct
Actividades dos Infantís, Actividades dos Xuvenís, Actividades Espeleoloxía, Actividades Montañismo e Sendeirismo, Fotos

IMAXES FIN DE SEMANA DE ESPELEOLOXÍA E SENDEIRISMO EN ENCIÑA DA LASTRA

O pasado fin de semana no parque de Enciña da Lastra disfrutamos de espeleoloxía e sendeirismo. Actividades para todo o club dende os mais pequenos ata os maiores.

Por suposto os máis valentes fixeron espeleoloxía coa colaboración de Cetra (clube de espeleoloxía A Trapa) e os seus guías Marcos, David, Begoña e Rey, coa colaboración do noso vogal de espeleoloxía Jesús Expósito.

O sábado día 8 se visitou as covas de Pala Pumbeira, Pala Despiste e Pala da Zorra. O domingo 9 a cova de Pala Silverto e covas na zona leonesa fora do parque natural.

Ademáis de disfrutar das covas se retirou restos de plásticos e restos dun periódico no lateral dun dos lagos fosiles na cova de Pala Silverto. Na entrada de dita cova se retiraron uns anacos de polispan (poliestireno).

Os senderistas o sábado fixeron un percorrido circular duns 18 quilómetros  pasando polos pobos de Covas e Vilar de Silva e o cume de Pena Falcoeira.

 O domingo cun percorrido de 19 quilómetros que saíndo do restaurante A Calzada facemos o roteiro do fermoso río Farelos para chegar a unha fervenza que debido a pouca choiva que estamos a pasar máis que fervenza e un chorro de auga.

Fin de semana onde o tempo acompañou e como sempre bo ambiente, moitas risas e con gañas da próxima actividade.

Fotos sendeirismo

Fotos espeleoloxía

03 Sep
Actividades dos Infantís, Actividades dos Xuvenís

CAMPAMENTO DE SAN BERNARDO. Memorial Pepiño Costas.

18-19 de setembro

Na fin de semana do 18/19 de setembro faremos, por fin, o noso campamento montañeiro. Este ano iremos ao P.N. das Fragas do Eume, máis concretamente na zona de Monfero, alí utilizaremos parte das instalacións de Eumenatura.

 O  programa  que temos preparado é como segue: comezaremos o sábado pola mañá cun sendeiro duns 12 km, no que coñeceremos algunhas zonas moi fermosas apartadas dos sendeiros máis “turísticos”. Debemos levar a comida porque seguramente xantaremos polo camiño.  Xa pola tarde faremos xogos e actividades na pista das instalacións de Eumenatura.

O domingo pola mañá temos preparada unha bonita ruta de kaiak polo encoro do Eume, onde aproveitaremos para darnos un refrescante chapuzón.  

Abrimos a lista de inscrición o martes día 7
Entrenador, Autobús, Holiday
Saída ás 8:30 horas do sábado 18 en bus dende a Praza de España en Vigo.
Durmiremos en tendas de campaña (cada familia levará a sua) ou ben se alguén quere vivaquear tamén pode ser. Polo tanto é indispensable, colchoneta/esterilla, saco de durmir e dende logo frontal ou lanterna. 
Tienda De Campaña, Acampar, Campamento
As comidas do sábado e do domingo cada familia levará a súa. A cea do domingo será comunitaria polo tanto todos aportaremos algunha cousa para compartir entre todos. (empanadas, polo, tortillas, embutido, etc etc.) 
Nota: Alí NON hai onde comprar nada.
O Almorzo corre pola conta do club (leite con colacao, madalenas, galletas… etc)
Cada persoa levará o seu material que precise (prato, cubertos e vaso)
O domingo de mañá, ata a hora de comer, faremos unha ruta en kayak polo embalse, por tanto non olvidedes as chanclas, o bañador e a toalla. 
                                   
APUNTÁDEVOS CANTO ANTES PARA FACER PREVISIÓN.
26 May
Actividades dos Infantís, Actividades dos Xuvenís, Actividades Espeleoloxía

EXPLORACIÓN DAS COVAS SILVERTO E ZORRA

 

Luns 17 maio de 2021

     Este ano o campamento infantil-xuvenil da Federación Galega de Espeleoloxía  foi  organizado polo Club Alpino Ouresán.

 

Os nosos pequenos  espeleólogos:  Antón, Brais, Xoel e Artai desfrutaron da exploración  das covas de  Silverto e Zorra situadas na aldea de Covas en Ourense, fronteira natural entre Galicia e León.

Video de Sergio Domínguez



10 Abr
Actividades dos Infantís, Actividades dos Xuvenís, Actividades Espeleoloxía

ESPELEOLOXÍA: Cova do Rei Cintolo (24 e 25 abril)

 XUVENIL

Este mes imos facer unha actividade de espeleoloxía pensada para os rapaces en idade xuvenil para así ir consolidando este excelente grupo, ademais de ir recuperando todo tipo de actividades para eles. 


Como é habitual, para ir a unha cova hai que mandar toda a documentación con moita antelación, sobre todo nesta gruta, pois por motivos da covid-19 se é moi estrito cos permisos e número de participantes polo que nada máis ler a circular, chamade ao club e se vos dará toda a información. Nas actividades de espeleoloxía terán preferencia todos os socios que teñan licenza de espéleo.

Tamén estamos a traballar nas próximas actividades de marcha nocturna (ten que acabar o toque de queda), campamento de espéleo inf-xuv, barranquismo, etc.



23 Mar
Actividades dos Xuvenís, Actividades Escalada, Notas Informativas

NATALIA VALE, PODIO NA 2ª PROBA DA COPA DE BLOQUE DE MADRID

A Comunidade de Madrid foi a primeira queretomou as competicións neste ano 2021. Sen público, e respectando todos os protocolos COVID, a Federación Madrileña de Montaña realizou un gran esforzo para organizar a Copa de Bloque de Madrid. 

O rocódromo Roc30 da capital madrileña acolleu a segunda proba desta Copa o pasado 14 de marzo. Máis de 80 participantes acudiron a esta proba que, en quendas dun máximo de 14 persoas e durante una hora e media, tentaron resolver os bloques nos menores intentos posibles. Foi unha xornada moi rifada e emocionante onde todos os deportistas puideron escalar de maneira segura e moi concentrados. 

Dende Galicia achegáronse 5 deportistas do equipo de tecnificación de escalada, e entre eles a nosa socia Natalia Vale, de 14 anos, que competiu en categoría feminina Sub-16 acadando o segundo posto. Esta socia, que ven de acadar recentemente o seu primeiro 7c en Picoña, promete dar moitas alegrías e triunfos para o noso club. 

¡Parabéns a Natalia! e oxalá que tamén en Galicia poidamos ir retomando a normalidade pouco a pouco…

Toda a info da clasificación: 
https://www.fmm.es/images/documentos/actividades/escalada/2021/II_Copa_Bloque_Madrid_Roc30_2021.pdf
Cargar más noticias
Cargando...