03 Sep
Actividades dos Infantís, Actividades dos Xuvenís

CAMPAMENTO DE SAN BERNARDO. Memorial Pepiño Costas.

18-19 de setembro

Na fin de semana do 18/19 de setembro faremos, por fin, o noso campamento montañeiro. Este ano iremos ao P.N. das Fragas do Eume, máis concretamente na zona de Monfero, alí utilizaremos parte das instalacións de Eumenatura.

 O  programa  que temos preparado é como segue: comezaremos o sábado pola mañá cun sendeiro duns 12 km, no que coñeceremos algunhas zonas moi fermosas apartadas dos sendeiros máis “turísticos”. Debemos levar a comida porque seguramente xantaremos polo camiño.  Xa pola tarde faremos xogos e actividades na pista das instalacións de Eumenatura.

O domingo pola mañá temos preparada unha bonita ruta de kaiak polo encoro do Eume, onde aproveitaremos para darnos un refrescante chapuzón.  

Abrimos a lista de inscrición o martes día 7
Entrenador, Autobús, Holiday
Saída ás 8:30 horas do sábado 18 en bus dende a Praza de España en Vigo.
Durmiremos en tendas de campaña (cada familia levará a sua) ou ben se alguén quere vivaquear tamén pode ser. Polo tanto é indispensable, colchoneta/esterilla, saco de durmir e dende logo frontal ou lanterna. 
Tienda De Campaña, Acampar, Campamento
As comidas do sábado e do domingo cada familia levará a súa. A cea do domingo será comunitaria polo tanto todos aportaremos algunha cousa para compartir entre todos. (empanadas, polo, tortillas, embutido, etc etc.) 
Nota: Alí NON hai onde comprar nada.
O Almorzo corre pola conta do club (leite con colacao, madalenas, galletas… etc)
Cada persoa levará o seu material que precise (prato, cubertos e vaso)
O domingo de mañá, ata a hora de comer, faremos unha ruta en kayak polo embalse, por tanto non olvidedes as chanclas, o bañador e a toalla. 
                                   
APUNTÁDEVOS CANTO ANTES PARA FACER PREVISIÓN.
27 Jun
Actividades dos Infantís

Ruta Costera pola peninsula do Grove

 

Co verán xa en marcha e con mais ganas de praia que de monte temos pensado facer unha ultima ruta o vindeiro 27 de Xuño.

Temos preparada un pequeño sendeiro costeiro pola península do Grove que pensamos que vos vai gustar. Son aprox. 8 kilometros que percorren a costa que vai dende o porto deportivo de Pedras Negras en San Vicente do Mar ata a Praia Mexilloeira xa nas inmediacions do pobo do Grove. Será un tramo mixto de pasarelas de madera, area, terra, pedras e algún que outro toxo…

 Nosa idea e patear pola maña e logo xa ir a xantar a Praia e pasalo resto do dia disfrutando dalgun dos fermosos areais que salpican a península grovense. Non vos esquezades a Sombrilla, bañador, crema solar, as gafas de bucear, o balón, as palas…

Sairemos as 9 da mañan dende o Sanatorio Concheiro na praza de España en Vigo. Tamen vos enviaremos a lista de difusión un punto de encontro no mesmo porto deportivo para aqueles de vos que queirades sair no comenzo da ruta.

 Nota. A ruta non é circular polo que teremos que deixar parte dos coches nun extremo do sendeiro.

05 Jun
Actividades dos Infantís, Actividades Escalada

ESCALADA INFANTIL

El pasado sábado día 29 finalizaba el curso de escalada en búlder que nuestros futuros escaladores realizaron en el club durante los tres últimos meses. Pero esta última clase la recibieron en el rocódromo  de la UVigo que, a primera vista, les causó una nueva “sensación” cuando lo tuvieron delante.

Sin embargo, como podéis ver en las fotos, se lucieron en el muro como verdaderos gatos. 


Esperamos que, el nuevo curso, algunos de estos niños y niñas tengan en la escalada un lugar donde ser felices y formarse como buenos y sanos deportistas.


Ver máis fotos aquí

26 May
Actividades dos Infantís, Actividades dos Xuvenís, Actividades Espeleoloxía

EXPLORACIÓN DAS COVAS SILVERTO E ZORRA

 

Luns 17 maio de 2021

     Este ano o campamento infantil-xuvenil da Federación Galega de Espeleoloxía  foi  organizado polo Club Alpino Ouresán.

 

Os nosos pequenos  espeleólogos:  Antón, Brais, Xoel e Artai desfrutaron da exploración  das covas de  Silverto e Zorra situadas na aldea de Covas en Ourense, fronteira natural entre Galicia e León.

Video de Sergio Domínguez



26 Abr
Actividades dos Infantís, Historias

O LOBISHOME DE ALLARIZ

Un lobishome ou licántropo, segundo a crenza popular, é un home que se converte en lobo as noites de lúa chea, comportándose como tal. Os lobishomes son os protagonistas de moitas lendas populares galegas e de fóra. Concretamente, un suceso acontecido en Galicia cobrou fama mundial, cando a mediados do século XIX Manuel Blanco Romasanta, xulgado por varios asasinatos, confesaba que por mor dunha maldición que lle botara un familiar transformábase en lobo e baixo esta forma cometía os asasinatos, impulsado polo instinto da fera. O caso espallouse polos xornais de toda España e de parte do estranxeiro, e é aínda coñecido polo gran público nos nosos días. Contámosvosresumidamente como foi…

Alá polo 1809, naceu en Esgos (Ourense) aparentemente como muller, unha meniña loira chamada Manuela. Seus país así o creron ata que cumpriu oito anos, data na que foi modificada a súa partida de nacemento quedando o seu nome masculino. Investigacións posteriores  falan dun caso de hermafroditismo.

A historia conta que Romasanta non chegaba ao metro corenta, con certos rasgos femininos, e que, como cousa excepcional naquela época, podería considerarse instruído xa que sabía ler e escribir. Casou con 22 anos e exerceu como xastre, profesión aprendida grazas a un tío seu, pero cando faleceu a súa muller mudou o oficio polo de quincalleiro, o que lle permitiu percorrer gran parte do noroeste da Península Ibérica.


Foi no pobo de Allariz onde comenzou a relacionarse coa xente da vila, gañándose sobor de todo a confianza feminina… tal foi así que Manuela García Blanco, veciña da vila, e mais a súa filla Petra cando decidiron ir a Santander na procura dunha boa casa onde servir, confiaron en Romasanta, como bo coñecedor dos camiños e dos contactos necesarios no norte de España, onde mellorar as súas vidas. Tras varias semanas de ausencia, Romasanta reapareceu na vila alaricana contando unha fabulosa historia; dicía que atopara a casa dun cura amigo seu para Manuela e a súa filla, mostrando unha carta falsa (que supostamente redactara el mesmo) e que entregou aos familiares das súas vítimas para non levantar sospeitas… Desta maneira
foise levando ata 9 persoas coas que seguía o mesmo modus operandi…

Pero Romansanta cometeu un erro que non pasou desapercibido. Foi vendendo polos arredores prendas de vestir das personas que confiaron nel como guía, así que as sospeitas de que algo pasaba foron medrando. Así mesmo, corría o rumor de que vendía unto e xabón en Portugal e que este podía ser de orixe humana; este feito fixo que se pensase que o “tendero” (como así lle chamaban no pobo) podía ser o temido «sacauntos», un asasino en serie do século XIX famoso por matar a seis mulleres para obter unto do corpo, facendo con el  pocións e ungüentos.

A resultas destes acontecementos e dunha posterior denuncia, vese obrigado a fuxir pero finalmente é capturado en Toledo a trasladado a Ourense para ser xulgado. Alí é acusado de 13 desaparicións das que só poden probarse 9 asasinatos, se ben é certo que os corpos das súas vítimas xamais apareceron. Confesou que o fixo porque según el “transformábase en lobishome sen poder controlarse”… Logo dun ano de xuízo, finalmente foi condeado á pena capital por garrote vil. 

O máis incrible é que a raíña Isabel II conmutou a condena por recomendacións dun hipnólogo francés, de nome Philips, que alegaba a necesidade de manter con vida o suposto lobishome para estudialo e comprender a orixe da “maldición”, xa que Philips sospeitaba que era vítima dun trastorno psiquiátrico chamado licantropía, polo que unha persoa cre que pode transformarse nun animal. 

O último que sabemos de Manuel Blanco Romansanta é que faleceu por cáncer de estómago na prisión de Ceuta o 14-12-1863.
10 Abr
Actividades dos Infantís, Actividades dos Xuvenís, Actividades Espeleoloxía

ESPELEOLOXÍA: Cova do Rei Cintolo (24 e 25 abril)

 XUVENIL

Este mes imos facer unha actividade de espeleoloxía pensada para os rapaces en idade xuvenil para así ir consolidando este excelente grupo, ademais de ir recuperando todo tipo de actividades para eles. 


Como é habitual, para ir a unha cova hai que mandar toda a documentación con moita antelación, sobre todo nesta gruta, pois por motivos da covid-19 se é moi estrito cos permisos e número de participantes polo que nada máis ler a circular, chamade ao club e se vos dará toda a información. Nas actividades de espeleoloxía terán preferencia todos os socios que teñan licenza de espéleo.

Tamén estamos a traballar nas próximas actividades de marcha nocturna (ten que acabar o toque de queda), campamento de espéleo inf-xuv, barranquismo, etc.



22 Mar
Actividades dos Infantís, Actividades dos Xuvenís, Actividades Escalada, formación

XORNADA DE ESCALADA E SURF: Domingo 28 marzo

 

Xa que as condicións sanitarias e as restriccións actuais nos dan un pequeno respiro, imos facer a primeira actividade do ano, xuntando na misma xornada  escalada e  surf.

É unha xornada pensada para os rapaces en idade xuvenil, de 11 anos a 99, tendo preferencia os menores de 18 anos. Só é necesario ter certa experiencia en escalada e saber nadar.

A escalada será pola mañá, en Monteferro, e cando remate iremos ata a praia de Patos para ter a noso primeiro contacto co mundo do surf. Para esta actividade non é necesario ter experiencia pois a faremos cunha escola de surf e eles pondrán todo o material e monitores necesarios.

A lista abrirase o luns 22 e  pecha o xoves 25; as prazas, por motivos obvios, serán limitadas.

Temos toda a información no club.

Xa que non podemos saír en grupos numerosos nin celebrar a Reconquista, ¡Imos escalar e surfear!



 

11 Mar
Actividades dos Infantís, Actividades Montañismo e Sendeirismo, Notas Informativas

CAMISETAS TÉCNICAS CO LOGO DO CLUB

Os socios que queiran renovar o vestiario ou que non teñan a camiseta co logo do club, xa poden pasar polo local ou chamar en horario de 19:30 a 21:30 horas, de martes a venres, para reservala. 


As camisetas de manga longa son unisex con tallas S, M, L, XL, XXL e as cores son branco, negro, laranxa, vermello e azul royal. O prezo son 12€.


Nas de manga curta hai modelos para home e muller. As tallas son S, M, L, XL, XXL. As cores para home son branco, negro, vermello, azul royal, verde, laranxa. Para as mulleres as mesmas tallas e as cores branco, negro, vermello, rosa, verde, laranxa e azul royal. O prezo da camiseta de manga curta é de 10€.

Tamen hai tallas entre 4 e 16 anos.

Os prezos poden variar según a cantidade de camisetas pedidas. 

¡Tedes de prazo todo o mes de marzo para reservala!

Cargar más noticias
Cargando...