Actividade Castro de Troña- Castelo de Sobroso- Alto da picaraña

O pasado domingo 20 un grupiño da sección infantil achegámonos o xacemento arqueolóxico do castro de Troña no concello de Ponteareas con fin de iniciar unha andaina que nos levaría ata o alto da Picaraña, pasando antes polo castelo de Sobroso.

No citado castro percorrimos o seu perímetro cheo das vivendas que compoñían o poboado así como as murallas que defendían o asentamento. Para quentar motores os rapaces non pararon ata localizar a famosa pedra da serpe… aquel gravado ten certo alo de misterio que algúns estudosos relacionan cun culto solar.

De alí a un pouco continuamos camiñando uns quilómetros ata chegar o castelo de Sobroso onde tiñamos reservada unha visita guiada a cal ensinounos a función do  castelo tanto dende o punto de vista histórico como da súa reconstrución. Debido a intensa néboa reinante non puidemos desfrutar das fermosas vistas dende a torre…  unha mágoa.

   

Una vez rematada a visita paramos un ratiño a xantar para a continuación visitala senda botánica que rodea o castelo.  O noso compañeiro Raimundo fixo de guía improvisado amosándonos có seu bon facer unha morea de cousas.

Uns cantos ktms. mais tarde chegamos por fin o alto da Picaraña, onde nos esperaba o bus para devolvernos a Vigo.

Fotos aquí

Adiós, ríos; Adiós, fontes; Adiós, regatos pequenos.

O sentido poema de Rosalía non tiña  cabida na nosa actividade do pasado día 27 pola Peneda e Alto Vez en Portugal.

Os ríos baixaban a rebentar, as fontes botaban por fora e os regatos…como ían os regatos!!!

Xa estaba anunciado que, precedentes aparte por esta zona, había que ir preparados para pormos a remollo,  e así foi desde o principio.

Saímos dende S. Bento do Cando no medio dunha poalleira a modo de “aperitivo”.  De alí a pouco un traspés inoportuno cunha pedra esvaradiza deu co noso amigo Grova metido de cheo, do pescozo para abaixo, nun dos moitos regatos que atravesamos tras  inestables equilibrios  e pasos dificultosos que, salvo nesa ocasión, pasamos sen excesivas dificultades pero foron moitos, iso si, un tras outro ao longo do día.

                         

 

Todo isto non foi impedimento para disfrutar moitísimo duns camiños fermosos, outrora importantes vías de comunicación na contorna do santuario da Peneda. 

Pagará a pena que en algún momento que poidamos repetir este percorrido pois quedounos a todos unha sensación de ter pasado unha excelente xornada sendeirista, con auga, iso si, pero marabillosa. Se chove…deixa chovere.

Quedan máis etapas no Alto Vez que non deberamos perder así caian chuzos.

Máis fotos aqui

Semana do 28 de novembro ao 2 de decembro. Programa de actos 25N organizado pola Concellería de Igualdade e o Consello Municipal da Muller de Vigo

Lembramos as actividades que terán lugar na semana do 28 de novembro ao 2 de decembro, no marco do PROGRAMA DE ACTOS POLO 25NDía Internacional da eliminación da violencia contra as mulleres que organizamos desde a Concellería de Igualdade e o Consello Municipal da Muller de Vigo.

 


.- Martes, 29 de novembro, ás 20:00 h. Proxección das curtas con coloquio posterior coa directora e director:

» Miente « de Isabel De Ocampo. 2018. 15 minutos

» 16 de decembro» de Álvaro Gago. 2019. 14 minutos

 

Lugar: Salón de actos do museo MARCO (Rúa do Príncipe)

Entrada libre ata completar a capacidade do local

 

.- Mércores 30 de novembro e xoves, 1 de decembro .Xornadas formativas 25N Vigo «Libres e feministas contra as violencias machistas»

. Relatorio «Lei Orgánica 10/2022 de garantía integral da liberdade sexual». NATALIA TEJERA BEAMUD

. Mesa redonda «Programas municipais de prevención e atención da violencia de xénero dirixidos á infancia e á mocidade». MAR SOTO GARCÍA e CELIA CAMESELLE TABOADA

. Relatorio «Violencias machistas e os bulos nos medios de comunicación». ANA ISABEL BERNAL TRIVIÑO

. Relatorio «Detección da violencia de xénero na atención primaria de saúde». ROSANA IZQUIERDO FERNÁNDEZ

Mesa redonda « Por que son necesarias políticas abolicionistas da prostitución? A ética feminista fronte á cultura da violación«. ROSA COBO BEDÍA e AMELIA TIGANUS

Xornadas presenciais. Inscrición previa. A inscrición ás xornadas deberá realizarse cubrindo o formulario que se adxunta (está en formato editable) e envialo a xornadas.igualdade@vigo.org

Lugar Auditorio Municipal. Praza do Rei s/n.

 

.- Venres, 2 de decembro, ás 20:00 h. Actuación musical «A banda da loba»

Lugar: Auditorio Municipal. Praza do Rei s/n.

Entrada libre ata completar a capacidade do local

Mais información na nosa web www.igualdadevigo.org e facebook «IgualdadeVigo»

 

En arquivos adxuntos podedes descargar o programa completo de todos os actos e tamén o programa específico das xornadas formativas que terán lugar o día 30 de novembro e 1 de decembro e necesitan inscrición previa. A inscrición ás xornadas deberá realizarse cubrindo o formulario (está en formato editable) e envialo a xornadas.igualdade@vigo.org

 

Agradecemos a difusión desta información entre os vosos contactos e amizades.

Enlace ao Díptico Xornadas 

Misa por Mario

Tras a triste perda do noso socio e amigo Mario Cuervo Hijarrubia (futuro vogal de montaña). Celébrase unha misa na súa memoria na parroquia de San Miguel  de Bouzas. Mércores 9 de novembro ás 19:00 horas.

IMAXES ACTIVIDAD VAL DE QUIRÓS

 

Na ponte de todos os Santos estivemos catro días recorrendo varios concellos da Comarca Camín Real de la Mesa, Proaza, Quirós, Santo Adriano e Teverga.

Sábado 29:

Día Pasado por auga no que se cambiou a subida o Ferreirúa por unha ruta polo faial de Montegrande, visitando a fervenza do Xiblu e rematando a ruta no pobo de La Focella.

Domingo 30:

Un día espectacular onde inciamos o percorrido no Alto de la Cobertoria. Recorrido lineal pola serra de Aramo facendo cume no teito da serra que é o pico Gamoniteiro de 1.791 metros. Os máis fortes fixeron dous picos máis o Peña Podre e o Xistra.

 

Luns 31:

Un recorrido que non pode faltar no val de Quiros que é ascensión o Peña Rueda de 2.151 metros. Nesta ocasión saímos do pobo de Lindes dirección a Foz Grande antes de chegar a Puertos de Agüeria, desde aquí iniciamos a nosa ascensión. O final do noso percorrido e no pobo de Ricabo.

 

Martes 1:

Saímos camiñando desde o aloxamento pola ruta del oso. Ascendemos pola serra de Serandi e facer o pico Cotachai de 1.028 metros. O descenso é polo precioso desfiladeiro das Xanas

Máis fotos aquí

Actividade Pena Corneira

Nesta ocasión a borrasca Beatrice, roubounos o protagonismo e fixo imposible que puideramos facela actividade… o  temporal no solo estaba na costa senón tamén no interior, chovendo con forza por momentos e con refachos de vento potentes.

Como di o refrán o mal tempo boa cara, asi que fixemos un paseo polos redores do Rio Avia e a bonita praia fluvial de Leiro. A hora de comer fomos o cercano mosteiro de San Clodio convertido hoxe nun coqueto hotel-monumento.

Outra vez será… deixamos unhas fotos do día en cuestión.