26 Sep
Notas Informativas

ELECCIÓNS 2022 A PRESIDENTE/A DO CLUB PEÑA TREVINCA

Rematado o proceso electoral, podemos comunicar que temos novo presidente no club, o socio Lois Faro, que asume o cargo con moita ilusión. Agradecémoslle de antemán o traballo desinteresado que vai desenvolver para o club e desexámoslle moita sorte, tanto a el como ao seu equipo, nesta nova andadura.
——————     Ο     ——————    Ο     ——————       Ο       ——————
Como todos sabedes, estamos nun ano electoral tanto na FGM coma no noso club. Pois seguindo o procedemento establecido nos estatutos, o día venres 23 de setembro celebrouse no club a Asemblea Extraordinaria que da inicio ao proceso electoral no que se aprobou o calendario e nomeouse a Xunta Electoral. Contamos coa presenza de 40 socios que puidemos gozar do resumo que Carlos Garrido, a modo de despedida como directivo, fixo dende o 2005 no que comezou como secretario e seguiu anos mais tarde como presidente e, con este acto, da por finalizada esta etapa.
Un agradecemento moi grande ao labor desenvolvido para o club durante todos estes anos tanto a el coma a todos os que lle acompañaron na xunta directiva.
Animámosvos a participar neste proceso electoral.
26 Sep
Actividades Montañismo e Sendeirismo, Fotos

IMAXES DE UN DÍA EN SÁLVORA

 

Tras as visitas as Cíes (2019) e Ons (2021) tocoulle o turno desta volta  visitar a Illa de Sálvora na impresionante Ría de Arousa.

Cun fermoso día embarcamos os 119 participantes no porto de O Grove e, nunha  agradable travesía coa Curota como testemuña,   en boa parte atravesando os parques de bateas onde se crían os mellores mexilóns do mundo, chegamos a  Sálvora nuns corenta minutos.

Logo da foto de grupo dividímonos en catro grupos para, cada un co seu guía, ir coñecendo todas as particularidades da illa tanto desde o punto de vista da fauna, flora,  histórica e produtiva de froitos  do mar. Moi interesante todo o que tivo que ver coa propiedade da illa e dos seus habitantes e relación estreita de estes co pobo de  Santa Uxía de Ribeira.

Moitos foron os que se deron un baño ao mediodía  na praia antes de embarcar de novo. Neste caso cara o porto de Meloxo. Un pequeno e fermosísimo paseo pasando  pola praia de Lavaxeira  levounos ao museo da Salgadeira de Moreiras.

 

Interesantísima visita a este museo ao que pagará a pena voltar con máis calma dado o importante contido sobre a pesca e a construción de barcos ribeira, motores  e aparellos relacionados coa pesca, a salazón e a conserva neste fermoso lugar das Rías Baixas.

Tanto os que foron, como os que non puideron ir, pode ollar unhas fotografías premendo  AQUÍ